پانی کی دریا پرداز عبارت بھی مجہول گئی

پانی کی دریا پرداز عبارت بھی مجہول گئی

سوتوں والی بیل پھوٹنے جھڑنے میں مشغول گئی

نقش پائے سبز پہ ریجھ گئے تو یہ زنجیر کٹی

زرد پاؤں کی وحشت تھی کہ سفر کی کڑیاں بھول گئی

آوازیں رنگ و بو کی تھیں سو پک تھک کر ٹوٹ گریں

خاموشی کی شاخ بھری سو حسب سماعت جھول گئی

کیا متعدی فعل ہوا مٹی کی ازلی تختی پر

بودش کی تسطیر مسلسل مٹنے تک مفعول گئی

پود گھروں میں شور اٹھا دابوں نے کہا ہم باغی ہیں

گملوں کی تحریک باغ منڈیروں تک نرمول گئی

آمد خواب دور دراز کو بھالتے چہرے بکھر گئے

ماہ و سال کے جھکڑ سے بس دروازوں تک دھول گئی

روزن چشم کے ہونے سے یہ نوشتہ نظر انداز ہوا

دیکھو اس دیوار دل کی اک اک اینٹ فضول گئی

pani ki dariya pardaz ibarat bhi majhul gai

soton wali bel phutne jharne mein mashghul gai

naqsh-e-pae sabz pe rijh gae to ye zanjir kati

zard paon ki wahshat thi ke safar ki kariyan bhul gai

awazen rang-o-bu ki thin so pak thak kar tut giren

khamoshi ki shakh bhari so hasb samaat jhul gai

kya mutaaddi fel hua mitti ki azali takhti par

bodash ki tastir musalsal mitne tak maful gai

paud gharon mein shor utha dabon ne kaha ham baghi hain

gumlun ki tahrik bagh munderon tak nirmol gai

amad khwab dur daraz ko bhalte chehre bikhar gae

mah-o-sal ke jhakkar se bas darwazon tak dhul gai

rauzan chashm ke hone se ye nawashta nazar andaz hua

dekho is diwar dil ki ik ik int fuzul gai