کہاں اے پردہ نشیں خود کو چھپایا ہوا ہے

کہاں اے پردہ نشیں خود کو چھپایا ہوا ہے

تیرا دیوانہ ترے شہر میں آیا ہوا ہے

تیری تصویر نے تسخیر کیا ہے دل کو

تیرا ہی عکس مرے ذہن پہ چھایا ہوا ہے

دل ہے سادہ کہ سمجھ بیٹھا ہے اس کو غم خوار

وہ جو اپنے ہی کسی کام سے آیا ہوا ہے

اپنی راہوں کو بھی ظاہر نہیں ہونے دیتے

ہم نے منزل کو بھی دنیا سے چھپایا ہوا ہے

عشق کی آگ پہ کاغذ کی چلا کر کشتی

ایک دیوانے نے دنیا کو ہلایا ہوا ہے

ان پہ یہ انفس و آفاق بھی قربان حیاتؔ

مرکز عشق جنہیں ہم نے بنایا ہوا ہے

kahan ai parda nashin khud ko chhupaya hua hai

tera diwana tire shahr mein aya hua hai

teri taswir ne taskhir kiya hai dil ko

tera hi aks mire zehn pe chhaya hua hai

dil hai sada ke samajh baitha hai us ko gham khwar

wo jo apne hi kisi kam se aya hua hai

apni rahon ko bhi zahir nahin hone dete

ham ne manzil ko bhi duniya se chhupaya hua hai

ishq ki ag pe kaghaz ki chala kar kashti

ek diwane ne duniya ko hilaya hua hai

un pe ye anfas-o-afaq bhi qurban hayat

markaz-e-ishq jinhen ham ne banaya hua hai