غضب ہیں پیٹتے جھلاتے پیڑوں میں جو یہ لہراتی گاتی ٹہنیاں ہیں

غضب ہیں پیٹتے جھلاتے پیڑوں میں جو یہ لہراتی گاتی ٹہنیاں ہیں

سراسر یہ جناب جھنڈ کی تنکا سرائی ہے ہم اچھی ٹہنیاں ہیں

سکھی جیسا نصیبہ ہے پرائی گود کی تشہیر سے تو یہ سپھل ہے

بہن مالن کے دروازے پہ لٹکی اصل میں پیروں میں بکھری ٹہنیاں ہیں

بہت پہنچے ہوئے کڑیل تنے کو خواب میں شاید لکڑہارا دکھا ہے

ہراول کی جڑوں کے سانس اکھڑتے جا رہے ہیں سہمی سہمی ٹہنیاں ہیں

بگولوں کی خبر پر ڈولتی ڈالی نے اک گنجان ٹہنی سے کہا تھا

خدا رکھے شگوفوں کونپلوں سے تو پریشان آج ساری ٹہنیاں ہیں

ہرے ہاتھوں پہ شجرے پھول اٹھاتی اور خزاں کی جھولیوں میں پھل گراتی

یہ حضرت ٹنڈ کی گستاخ ہیں یہ عاقبت کو بھول بیٹھی ٹہنیاں ہیں

بزرگو بھائیو بہنو بھلے جتنا لچک لیں یا چٹک لیں یا مہک لیں

سبھی آتش کدے کی جھونک ہیں کوئی تناور ہیں کہ چھوٹی ٹہنیاں ہیں

ہمیں پاکیزہ شجروں کی نمو یابی کے کھاتے میں کہیں لکھا نہ جائے

ہم اپنے برگزیدہ برگدوں کے حاشیوں سے باہر آئی ٹہنیاں ہیں

ghazab hain pitte jhallate peron mein jo ye lahrati gati tahniyan hain

sarasar ye janab jhund ki tinka sarai hai ham achchhi tahniyan hain

sakhi jaisa nasiba hai parai god ki tashhir se to ye saphal hai

bahan malan ke darwaze pe latki asl mein pairon mein bikhri tahniyan hain

bahut pahunche hue karyal tane ko khwab mein shayad lakarhara dikha hai

harawal ki jaron ke sans ukharte ja rahe hain sahmi sahmi tahniyan hain

bagulon ki khabar par dolti dali ne ik gunjan tahni se kaha tha

khuda rakhe shagufon konpalon se to pareshan aj sari tahniyan hain

hare hathon pe shajare phul uthati aur khizan ki jholiyon mein phal girati

ye hazrat tund ki gustakh hain ye aqibat ko bhul baithi tahniyan hain

buzurgo bhaiyo bahano bhale jitna lachak len ya chutak len ya mahak len

sabhi atish kade ki jhonk hain koi tanawar hain ke chhoti tahniyan hain

hamen pakiza shajron ki numu yabi ke khate mein kahin likha na jae

ham apne barguzeda bargadon ke hashiyon se bahar ai tahniyan hain