اس نے ایسے کہا شکریہ محترم

اس نے ایسے کہا شکریہ محترم

میں بھی خود کو سمجھنے لگا محترم

مجھ سے ملتے ہوئے عام سا وہ لگا

ذکر تیرا کیا اور ہوا محترم

شاہ کا ہاتھ ہم کو یہ سمجھا گیا

بجھ کے ہوتا ہے کیسے دیا محترم

راہ پوچھی ہے ہم کو بتا دیجیے

ہم نے مانگا ہے کب مشورہ محترم

پتھروں کے نگر سے نکالیں مجھے

لوٹ آئے گی میری صدا محترم

پاؤں میرے زمیں پر یہ ٹکتے نہ تھے

نام کے ساتھ لکھا گیا محترم

خود شناسی کی منزل ہمیں جب ملی

کھل گیا ہم پہ باب فنا محترم

us ne aise kaha shukriya mohtaram

main bhi khud ko samajhne laga mohtaram

mujh se milte hue am sa wo laga

zikr tera kiya aur hua mohtaram

shah ka hath ham ko ye samjha gaya

bujh ke hota hai kaise diya mohtaram

rah puchhi hai ham ko bata dijiye

ham ne manga hai kab mashwara mohtaram

pattharon ke nagar se nikalen mujhe

laut aegi meri sada mohtaram

paon mere zamin par ye tikte na the

nam ke sath likha gaya mohtaram

khud shanasi ki manzil hamen jab mili

khul gaya ham pe bab-e-fana mohtaram