چپ کی طاقت سے گزارہ نہیں ہونے والا

چپ کی طاقت سے گزارہ نہیں ہونے والا

اب شرافت سے گزارہ نہیں ہونے والا

اب یہ لازم ہے کہ صحراؤں میں بھٹکا جائے

گھر کی وحشت سے گزارہ نہیں ہونے والا

شعر کہنا ہے تو کہنے کا سلیقہ سیکھو

اس میں عجلت سے گزارہ نہیں ہونے والا

دل میں فطرت کو بھی تھوڑی سی جگہ دی جائے

اک محبت سے گزارہ نہیں ہونے والا

گھر چلانے کے لیے خون جلانا ہوگا

صرف محنت سے گزارہ نہیں ہونے والا

راس آتے نہیں ہم کو یہ کھنکتے سکے

اپنا دولت سے گزارہ نہیں ہونے والا

سوچ کے آؤ یہ دربار محبت ہے یہاں

شان و شوکت سے گزارہ نہیں ہونے والا

chup ki taqat se guzara nahin hone wala

ab sharafat se guzara nahin hone wala

ab ye lazim hai ke sahraon mein bhatka jae

ghar ki wahshat se guzara nahin hone wala

sher kahna hai to kahne ka saliqa sikho

is mein ujlat se guzara nahin hone wala

dil mein fitrat ko bhi thori si jagah di jae

ik mohabbat se guzara nahin hone wala

ghar chillane ke liye khun jalana hoga

sirf mehnat se guzara nahin hone wala

ras ate nahin ham ko ye khanakte sake

apna daulat se guzara nahin hone wala

soch ke ao ye darbar mohabbat hai yahan

shan-o-shaukat se guzara nahin hone wala