دھڑکنوں کی سب کہانی ختم شد

دھڑکنوں کی سب کہانی ختم شد

میری آنکھوں کا بھی پانی ختم شد

مے نئی لاؤ دکان ہجر سے

جو پڑی تھی کچھ پرانی ختم شد

یہ رہی وہ جھیل جس کی کھوج تھی

پنچھیو نقل مکانی ختم شد

برف نے سر پر بسیرا کر لیا

اب جوانی کی کہانی ختم شد

شہر دل کی رونقیں سب کھو گئیں

ہر طرح کی شادمانی ختم شد

انگلیوں کے بولنے سے یہ ہوا

سب پیام منہ زبانی ختم شد

چل کے آصفؔ پوچھتے ہیں وقت سے

کب یہ ہوگی رائیگانی ختم شد

dharkanon ki sab kahani khatm shud

meri ankhon ka bhi pani khatm shud

mai nai lao dukan-e-hijr se

jo pari thi kuchh purani khatm shud

ye rahi wo jhil jis ki khoj thi

panchhiyo naql-e-makani khatm shud

barf ne sar par basera kar liya

ab jawani ki kahani khatm shud

shahr-e-dil ki raunaqen sab kho gain

har tarah ki shadmani khatm shud

ungliyon ke bolne se ye hua

sab payam-e-munh zabani khatm shud

chal ke asaf puchhte hain waqt se

kab ye hogi raigani khatm shud