بہت دن ہو گئے دریا کی جانب آ نہیں پائے

بہت دن ہو گئے دریا کی جانب آ نہیں پائے

پرندو خیر سے تو ہو کہ پر پھیلا نہیں پائے

گئی گزری سحر شامیں مگر ویرانۂ جاں میں

کھلے کچھ پھول ایسے جو کبھی مرجھا نہیں پائے

جناب اب زیر آب آرام سے دیکھیں اچھوتے خواب

جو ان مٹ میلی آنکھوں سے تو حق منوا نہیں پائے

برستی ہے کبھی آگ اور کبھی پانی امڈتا ہے

مگر یہ ہاتھ ہیں جو آسماں تک جا نہیں پائے

اب اس دل ہی کو لو آرام کیوں اس کو نہیں آتا

یہی تو بات ہے جو ہم تمہیں سمجھا نہیں پائے

bahut din ho gae dariya ki janib a nahin pae

parindo khair se to ho ke par phaila nahin pae

gai guzri sahar shamen magar wirana-e-jan mein

khule kuchh phul aise jo kabhi murjha nahin pae

janab ab zer-e-ab aram se dekhen achhute khwab

jo un mit maili ankhon se to haq manwa nahin pae

barasti hai kabhi ag aur kabhi pani umadta hai

magar ye hath hain jo asman tak ja nahin pae

ab is dil hi ko lo aram kyun us ko nahin ata

yahi to bat hai jo ham tumhen samjha nahin pae