ایسی ٹھہری ہے رت خزاؤں کی

ایسی ٹھہری ہے رت خزاؤں کی

ہم کو حسرت رہی ہے چھاؤں کی

دل کی دنیا اجاڑ کر انساں

کھوج کرتا پھرے خلاؤں کی

بام پر دیکھ کر پرندوں کو

یاد آئی ہے پھر سے گاؤں کی

گولیوں کی صدائیں سنتے ہی

دھڑکنیں تھم گئی ہیں ماؤں کی

کس کو فرصت کہ داستاں لکھے

سسکیاں لے رہی ہواؤں کی

آیت وصل دم کرو اس پر

لے کے مٹی کسی کے پاؤں کی

دل کے گنبد میں قید ہے آصفؔ

گونج بھولی ہوئی صداؤں کی

aisi thahri hai rut khazaon ki

ham ko hasrat rahi hai chhaon ki

dil ki duniya ujar kar insan

khoj karta phire khalaon ki

bam par dekh kar parindon ko

yad ai hai phir se gaon ki

goliyon ki sadaen sunte hi

dharkanen tham gai hain maon ki

kis ko fursat ke dastan likhe

siskiyan le rahi hawaon ki

ayat-e-wasl dam karo us par

le ke mitti kisi ke paon ki

dil ke gumbad mein qaid hai asaf

gunj bhuli hui sadaon ki