سنبھل سنبھل کے چلو گے تو فائدہ ہوگا

سنبھل سنبھل کے چلو گے تو فائدہ ہوگا

بڑوں کی بات سنو گے تو فائدہ ہوگا

یہ پل پرندے نہیں ہیں کہ لوٹ آئیں گے

سمے کی قدر کرو گے تو فائدہ ہوگا

ہوا کا ہاتھ تمہیں راستہ دکھائے گا

ہوا کے سنگ چلو گے تو فائدہ ہوگا

نظر پھر آئیں گی تم کو کئی چھپی چیزیں

چراغ بن کے جلو گے تو فائدہ ہوگا

نئے خیال میں دھڑکن سمو کے لایا ہوں

مرا جو شعر پڑھو گے تو فائدہ ہوگا

گئے دنوں کے کئی راز تم پہ کھولے گا

شجر کے پاس رہو گے تو فائدہ ہوگا

عمل کا رد عمل ہر عمل پہ لاگو ہے

کسی کا ساتھ بھی دو گے تو فائدہ ہوگا

sambhal sambhal ke chaloge to faida hoga

baron ki bat sunoge to faida hoga

ye pal parinde nahin hain ke laut aenge

samay ki qadr karoge to faida hoga

hawa ka hath tumhen rasta dikhaega

hawa ke sang chaloge to faida hoga

nazar phir aengi tum ko kai chhupi chizen

charagh ban ke jilauge to faida hoga

nae khayal mein dharkan samo ke laya hun

mira jo sher parhoge to faida hoga

gae dinon ke kai raz tum pe kholega

shajar ke pas rahoge to faida hoga

amal ka rad-e-amal har amal pe lagu hai

kisi ka sath bhi doge to faida hoga