نت نئے ظلم جھیلتا ہوں میں

نت نئے ظلم جھیلتا ہوں میں

جرم یہ ہے کہ سوچتا ہوں میں

مجھ کو صحرا نشیں رہنے دو

آنے والوں کا راستہ ہوں میں

آئنہ رکھ کے سامنے اکثر

تیری آنکھوں میں جھانکتا ہوں میں

مجھ کو مجذوب سب سمجھتے ہیں

خود کو تھوڑا سا جانتا ہوں میں

تجھ سے ملنے کی کیا کروں کوشش

اب تو خود سے بھی بھاگتا ہوں میں

پہلے چپ سے تمہیں شکایت تھی

اب یہ کہتے ہو بولتا ہوں میں

اس طرح کون تجھ کو دیکھے گا

جس طرح تجھ کو دیکھتا ہوں میں

میرے لہجے کے درد کو سمجھو

تجھ کو جانے سے روکتا ہوں میں

اب تو آصفؔ گئے زمانوں سے

اپنے بارے میں پوچھتا ہوں میں

nit nae zulm jhelta hun main

jurm ye hai ke sochta hun main

mujh ko sahra nashin rahne do

ane walon ka rasta hun main

aina rakh ke samne aksar

teri ankhon mein jhankta hun main

mujh ko majzub sab samajhte hain

khud ko thora sa janta hun main

tujh se milne ki kya karun koshish

ab to khud se bhi bhagta hun main

pahle chup se tumhen shikayat thi

ab ye kahte ho bolta hun main

is tarah kaun tujh ko dekhega

jis tarah tujh ko dekhta hun main

mere lahje ke dard ko samjho

tujh ko jane se rokta hun main

ab to asaf gae zamanon se

apne bare mein puchhta hun main