دیواروں سے بنتی ہے کب درویشو

دیواروں سے بنتی ہے کب درویشو

آؤ شہر سے کوچ کریں اب درویشو

آنے والا وقت بتائے گا ہم کو

کس رستے پر کاٹیں گے شب درویشو

اس دھرتی کا چہرہ خون سے لتھڑا ہے

تم حرکت میں آؤ گے کب درویشو

مجھ کو بھی اک رمز عنایت ہو جائے

میرے بارے بھی سوچو اب درویشو

میرے گھر میں ماں کی سانسیں بستی ہیں

میرے گھر میں رہتا ہے رب درویشو

ان کے شہر میں اک کٹیا کی خواہش ہے

اتنا سا مل جائے منصب درویشو

اندر گھور اندھیرے آصفؔ بستے ہیں

باہر روشن روشن ہے سب درویشو

diwaron se banti hai kab darwesho

ao shahr se kuch karen ab darwesho

ane wala waqt bataega ham ko

kis raste par katenge shab darwesho

is dharti ka chehra khun se lithra hai

tum harkat mein aoge kab darwesho

mujh ko bhi ik ramz inayat ho jae

mere bare bhi socho ab darwesho

mere ghar mein man ki sansen basti hain

mere ghar mein rahta hai rab darwesho

un ke shahr mein ik kutiya ki khwahish hai

itna sa mil jae mansab darwesho

andar ghur andhere asaf baste hain

bahar raushan raushan hai sab darwesho