روئے روشن کی تاب نے مارا

روئے روشن کی تاب نے مارا

اک نکھرتے گلاب نے مارا

کچھ تو مارے گئے نگاہوں سے

باقیوں کو نقاب نے مارا

سارا دن یاد نے ڈسا ان کی

رات آئی تو خواب نے مارا

لے کے قاصد جو لوٹا کچھ پرزے

ایسے خط کے جواب نے مارا

مر گیا زہر پی کے اک مے نوش

لوگ سمجھے شراب نے مارا

کچھ جہاں میں نہ کر سکا یاسرؔ

فکر روز حساب نے مارا

ru-e-raushan ki tab ne mara

ik nikharte gulab ne mara

kuchh to mare gae nigahon se

baqiyon ko naqab ne mara

sara din yad ne dasa un ki

rat ai to khwab ne mara

le ke qasid jo lauta kuchh purze

aise khat ke jawab ne mara

mar gaya zahr pi ke ik mai nosh

log samjhe sharab ne mara

kuchh jahan mein na kar saka yasar

fikr roz-e-hisab ne mara