شراب‌ نوشی ہے دن رات شغل بادہ ہے

شراب‌ نوشی ہے دن رات شغل بادہ ہے

تباہ کرنے کا خود کو مرا ارادہ ہے

سجی ہے عارضی مسکان تو لبوں پہ مگر

ہماری روح پہ زخموں کا اک لبادہ ہے

ادائیں جس کی قیامت ہیں چال ہے کافر

وہ شخص دیکھنے میں ہائے کتنا سادہ ہے

دکھوں نے آ کے بسا لی ہیں بستیاں کتنی

پتہ چلا تھا مرا دل بہت کشادہ ہے

تمہارے حسن کا چرچا ہے گر زمانے میں

ہمارا عشق بھی مجنوں سے کچھ زیادہ ہے

بتوں کی دھن میں گزاری تھی زندگی یاسرؔ

خدا کے نام پہ مرنے کا اب ارادہ ہے

sharab noshi hai din rat shaghl-e-bada hai

tabah karne ka khud ko mira irada hai

saji hai arzi muskan to labon pe magar

hamari ruh pe zakhmon ka ik labada hai

adaen jis ki qayamat hain chal hai kafir

wo shakhs dekhne mein hae kitna sada hai

dukhon ne a ke basa li hain bastiyan kitni

pata chala tha mira dil bahut kushada hai

tumhare husn ka charcha hai gar zamane mein

hamara ishq bhi majnun se kuchh ziyada hai

buton ki dhun mein guzari thi zindagi yasar

khuda ke nam pe marne ka ab irada hai