کچھ اس ادا سے یار نے جوڑے کو بل دیا

کچھ اس ادا سے یار نے جوڑے کو بل دیا

دم بھر کو دو جہان کا نقشہ بدل دیا

اب کے جنوں میں عالم وحشت کا ہے یہ حال

زنداں سے لوٹا میں تو بیاباں کو چل دیا

چہرے پہ ہے یہ نور عبادت کہ پھر اے شیخ

غازہ کسی نے لا کے ترے منہ پہ مل دیا

سوتے سے ان کی آنکھ کھلی جب اچھل پڑے

زلفوں کو اپنی سانپ سمجھ کر کچل دیا

رنج و ستم مصیبت و درد و غم و الم

میری وفا کا آپ نے کیا کیا نہ پھل دیا

شب حال کیا مریض محبت کا تھا نہ پوچھ

تڑپا تڑپ کے منہ سے لہو تک اگل دیا

ناز و ادا انہی کے اٹھائے تمام عمر

خود کی انا کو پاؤں کے نیچے مسل دیا

kuchh is ada se yar ne jore ko bal diya

dam bhar ko do jahan ka naqsha badal diya

ab ke junun mein alam-e-wahshat ka hai ye hal

zindan se lauta mein to bayaban ko chal diya

chehre pe hai ye nur-e-ibadat ke phir ai shaikh

ghaza kisi ne la ke tire munh pe mil diya

sote se un ki ankh khuli jab uchhal pare

zulfon ko apni sanp samajh kar kuchal diya

ranj-o-sitam musibat-o-dard-o-gham-o-alam

meri wafa ka ap ne kya kya na phal diya

shab hal kya mariz-e-mohabbat ka tha na puchh

tarpa tarap ke munh se lahu tak ugal diya

naz-o-ada unhi ke uthae tamam umr

khud ki ana ko paon ke niche masal diya