مرضئ یار پہ ہر ایک خوشی وار چلے

مرضئ یار پہ ہر ایک خوشی وار چلے

جو کچھ اپنا تھا وہ سب عشق میں ہم ہار چلے

کب رکے منزل مقصود سے پہلے یہ قدم

اٹھ کے اک بار چلے ہیں تو لگاتار چلے

دیکھتا رہ گیا زاہد یہ تماشہ کیا ہے

ایک گریہ کے عوض خلد کو مے خوار چلے

چھا گیا ابر لئے آ کے بہاروں نے قدم

زلف لہرا کے وہ جب جانب گلزار چلے

مے کی توبہ کو تو مدت ہوئی ساقی لیکن

کچھ تکلف نہیں گر شربت دیدار چلے

برہمن دیر گیا شیخ جی کعبے پہنچے

اور ہم دل کو لئے کوچۂ دل دار چلے

چاہنا جرم ہے گر تم کو تو میں مجرم ہوں

سر مرا خم ہے حضور آپ کی تلوار چلے

ٹھوکریں کھائیں رہ عشق میں یاسرؔ تم نے

سچ تو یہ ہے کہ تم اس راہ میں بے کار چلے

marzi-e-yar pe har ek khushi war chale

jo kuchh apna tha wo sab ishq mein ham har chale

kab ruke manzil-e-maqsud se pahle ye qadam

uth ke ik bar chale hain to lagatar chale

dekhta rah gaya zahid ye tamasha kya hai

ek girya ke ewaz khuld ko mai khwar chale

chha gaya abr liye a ke baharon ne qadam

zulf lahra ke wo jab janib-e-gulzar chale

mai ki tauba ko to muddat hui saqi lekin

kuchh takalluf nahin gar sharbat-e-didar chale

barahman der gaya shaikh ji kaabe pahunche

aur ham dil ko liye kucha-e-dil dar chale

chahna jurm hai gar tum ko to main mujrim hun

sar mira kham hai huzur ap ki talwar chale

thokaren khaen rah-e-ishq mein yasar tum ne

sach to ye hai ke tum is rah mein be kar chale