تڑپ ایسی کہ بس دن رات آہیں بھرتے جاتے ہیں

تڑپ ایسی کہ بس دن رات آہیں بھرتے جاتے ہیں

تمہارے عشق میں بے موت عاشق مرتے جاتے ہیں

ادھر وہ بت بنے بیٹھے ہوئے تکتے ہیں صورت کو

ادھر رو رو کے عرض مدعا ہم کرتے جاتے ہیں

لگاتا ہے گلے سے اپنی محفل میں وہ غیروں کو

بس اک ہم سے ہی آداب تکلف برتے جاتے ہیں

یہ دل بھی ہولے ہولے غم کا عادی ہوتا جاتا ہے

جگر کے زخم سارے رفتہ رفتہ بھرتے جاتے ہیں

گزرتی ہے جو کچھ دل پر رقم ہم کرتے جاتے ہیں

tarap aisi ke bas din rat ahen bharte jate hain

tumhare ishq mein be maut ashiq marte jate hain

idhar wo but bane baithe hue takte hain surat ko

idhar ro ro ke arz-e-muddaa ham karte jate hain

lagata hai gale se apni mahfil mein wo ghairon ko

bas ik ham se hi adab-e-takalluf barte jate hain

ye dil bhi haule haule gham ka adi hota jata hai

jigar ke zakhm sare rafta rafta bharte jate hain

guzarti hai jo kuchh dil par raqam ham karte jate hain