جینے کی تھی جو دل میں تمنا وہ مر گئی

جینے کی تھی جو دل میں تمنا وہ مر گئی

تم کیا گئے کہ عشق کی دنیا بکھر گئی

اللہ اس نگاہ کی تاثیر کیا کہوں

سینے کو چیرتی ہوئی دل میں اتر گئی

باب قبول پا نہ سکی میری ایک آہ

ہر چند لڑکھڑاتی ہوئی در بدر گئی

سینے پہ اس نے دست حنائی جو رکھ دیا

دل کی زمین بوئے محبت سے بھر گئی

آیا نہ کچھ خیال تجھے سوچنے کے بعد

دیکھا تجھی کو ہم نے جہاں تک نظر گئی

کس درجہ ہولناک تھا منظر حیات کا

دہشت کے مارے موت مجھے دیکھ ڈر گئی

یاسرؔ ہوا یہ فائدہ رونے سے عشق میں

آنسو بہے تو چہرے کی رنگت نکھر گئی

کٹ ہی نہ پائی ایک یہ ظالم شب فراق

سو بار ہم پہ آ کے قیامت گزر گئی

jine ki thi jo dil mein tamanna wo mar gai

tum kya gae ke ishq ki duniya bikhar gai

allah us nigah ki tasir kya kahun

sine ko chirti hui dil mein utar gai

bab-e-qubul pa na saki meri ek ah

har chand larkharati hui dar badar gai

sine pe us ne dast-e-hinai jo rakh diya

dil ki zamin bu-e-mohabbat se bhar gai

aya na kuchh khayal tujhe sochne ke baad

dekha tujhi ko ham ne jahan tak nazar gai

kis darja haulnak tha manzar hayat ka

dahshat ke mare maut mujhe dekh dar gai

yasar hua ye faida rone se ishq mein

ansu bahe to chehre ki rangat nikhar gai

kat hi na pai ek ye zalim shab-e-firaq

sau bar ham pe a ke qayamat guzar gai