روکیں نہ اپنی فکر کو پت جھڑ کے آس پاس

روکیں نہ اپنی فکر کو پت جھڑ کے آس پاس

دیمک لگی ہوئی ہے ہر اک جڑ کے آس پاس

وہ بے دھڑک گھروں میں بھی آئیں گے ایک دن

جو خوف لام بند ہیں نکڑ کے آس پاس

اے کھردرے سمے نہ کوئی بوجھ دل میں رکھ

گزری ہے زندگی مری بیہڑ کے آس پاس

دھرنا نہ دے تو کیا کرے پانی گلی گلی

کتنے مکان بن گئے جوہڑ کے آس پاس

roken na apni fikr ko pat jhar ke as pas

dimak lagi hui hai har ik jur ke as pas

wo be dharak gharon mein bhi aenge ek din

jo khauf lam band hain nukkar ke as pas

ai khurdare samay na koi bojh dil mein rakh

guzri hai zindagi miri behar ke as pas

dharna na de to kya kare pani gali gali

kitne makan ban gae johar ke as pas