سمجھ کے سوچ کے ڈھرے بدل دئے جائیں

سمجھ کے سوچ کے ڈھرے بدل دئے جائیں

اب انقلاب کے نسخے بدل دئے جائیں

سب اپنی اپنی کتابیں سنبھال کر رکھیے

کہیں یہ ہو نہ کہ پنے بدل دئے جائیں

اب ان میں کچھ کھلی آنکھیں دکھائی پڑتی ہیں

پرانے پڑ چکے پردے بدل دئے جائیں

تم آدمی ہو یہ اعلان کیوں نہیں کرتے

انہیں سنک ہے کہ کھونٹے بدل دئے جائیں

مدد کی شرط اگر ہے کہ یہ امیر لگے

تو آؤ لاش کے کپڑے بدل دئے جائیں

اسے بتاؤ کہ سیلاب چار دن کا ہے

ندی ہے ضد پہ کنارے بدل دئے جائیں

samajh ke soch ke ddhare badal diye jaen

ab inqilab ke nuskhe badal diye jaen

sab apni apni kitaben sambhal kar rakhiye

kahin ye ho na ke panne badal diye jaen

ab un mein kuchh khuli ankhen dikhai parti hain

purane par chuke parde badal diye jaen

tum admi ho ye elan kyun nahin karte

unhen sank hai ke khunte badal diye jaen

madad ki shart agar hai ke ye amir lage

to ao lash ke kapre badal diye jaen

use batao ke sailab char din ka hai

nadi hai zid pe kinare badal diye jaen