کچھ اپنے دور کی بھی کہانی لکھا کرو

کچھ اپنے دور کی بھی کہانی لکھا کرو

پتھر کو موم خون کو پانی لکھا کرو

جدت کی رو میں لوگ کہاں سے کہاں گئے

تم سے بنے تو بات پرانی لکھا کرو

وہ عہد ہے کہ شعلہ فشاں بجلیوں کو بھی

لفظوں کو اپنے اصل معانی سے عار ہے

اب دوستوں کو دشمن جانی لکھا کرو

ہے بے حسوں کی بھیڑ نہ ہوگا کوئی اثر

اخبار میں ہزار گرانی لکھا کرو

لکھنے کے واسطے کوئی عنوان چاہئے

فریاد و آہ و اشک فشانی لکھا کرو

شہرت کے خواستگارو مرا مشورہ ہے یہ

غالبؔ کا اپنے آپ کو ثانی لکھا کرو

دانشؔ زہ نصیب ملے زخم لالہ رنگ

ہر زخم دل کو ان کی نشانی لکھا کرو

kuchh apne daur ki bhi kahani likha karo

patthar ko mom khun ko pani likha karo

jiddat ki rau mein log kahan se kahan gae

tum se bane to bat purani likha karo

wo ahd hai ke shola fishan bijliyon ko bhi

lafzon ko apne asl-e-maani se ar hai

ab doston ko dushman-e-jani likha karo

hai be hison ki bhir na hoga koi asar

akhbar mein hazar girani likha karo

likhne ke waste koi unwan chahiye

fariyad-o-ah-o-ashk fishani likha karo

shohrat ke khwastgaro mira mashwara hai ye

ghalib ka apne ap ko sani likha karo

danish zeh nasib mile zakhm-e-lala rang

har zakhm-e-dil ko un ki nishani likha karo