چاہتا ہے کوئی اگر اڑنا

چاہتا ہے کوئی اگر اڑنا

تو ضروری ہے اس کا ڈر اڑنا

بھیڑ بھاری ہے ساری سڑکوں پر

سیکھ لیں شہر میں بشر اڑنا

یہ تو عادت نہیں پرندوں کی

دن میں آرام رات بھر اڑنا

میری کھڑکی سے تم نظر آؤ

جب بھی اڑنا یہ سوچ کر اڑنا

آب و دانے کی فکر کر پیارے

چھوڑ دے یہ ادھر ادھر اڑنا

chahta hai koi agar urna

tu zaruri hai us ka dar urna

bhir bhari hai sari sarkon par

sikh len shahr mein bashar urna

ye to adat nahin parindon ki

din mein aram rat bhar urna

meri khirki se tum nazar ao

jab bhi urna ye soch kar urna

ab-o-dane ki fikr kar pyare

chhor de ye idhar idhar urna