اک سمندر کے حوالے سارے خط کرتا رہا

اک سمندر کے حوالے سارے خط کرتا رہا

وہ ہمارے ساتھ اپنے غم غلط کرتا رہا

کیا کسی بدلاؤ سے یہ زندگی بدلی کبھی

کیوں نئی وہ روز اپنی شخصیت کرتا رہا

اس کی تنہائی کا عالم دوستو مت پوچھیے

گھر کی ہر دیوار سے وہ مصلحت کرتا رہا

تھی خبر اب اپنے حق میں کچھ نہیں باقی رہا

جان کر میں کاغذوں پر دستخط کرتا رہا

ہاں اسے شاعر زمانہ کہہ رہا ہے ان دنوں

جو دوانہ اپنے غم کی تربیت کرتا رہا

آج سمجھا ٹھوکروں کے بعد بھی ہے زندگی

کیوں عطا مجھ کو مسافرؔ یہ صفت کرتا رہا

ik samundar ke hawale sare khat karta raha

wo hamare sath apne gham ghalat karta raha

kya kisi badlao se ye zindagi badli kabhi

kyun nai wo roz apni shakhsiyat karta raha

us ki tanhai ka alam dosto mat puchhiye

ghar ki har diwar se wo maslahat karta raha

thi khabar ab apne haq mein kuchh nahin baqi raha

jan kar main kaghazon par dastkhat karta raha

han use shayar zamana kah raha hai in dinon

jo diwana apne gham ki tarbiyat karta raha

aj samjha thokaron ke baad bhi hai zindagi

kyun ata mujh ko musafir ye sifat karta raha