ایک بھی قطرہ نہ چھوڑا کیجیے

ایک بھی قطرہ نہ چھوڑا کیجیے

دل مرا جب بھی نچوڑا کیجیے

آپ ہی کے نام سے پہچان ہو

نام میرا ساتھ جوڑا کیجیے

سیدھے سیدھے چل کے کیا حاصل ہوا

زندگی مڑتی ہے موڑا کیجیے

صرف دنیا پر ہی ساری تہمتیں

خود کو بھی آخر جھنجھوڑا کیجیے

لینے والے تو سبھی کچھ لے گئے

آپ بھی احسان تھوڑا کیجیے

آپ کو یہ حق محبت میں دیا

دل ہے میرا خوب توڑا کیجیے

میں مسافرؔ ہوں مجھے چلنا ہی ہے

با ادب چھالے نہ پھوڑا کیجیے

ek bhi qatra na chhora kijiye

dil mira jab bhi nichora kijiye

ap hi ke nam se pahchan ho

nam mera sath jora kijiye

sidhe sidhe chal ke kya hasil hua

zindagi murti hai mora kijiye

sirf duniya par hi sari tohmaten

khud ko bhi akhir jhinjhora kijiye

lene wale to sabhi kuchh le gae

ap bhi ehsan thora kijiye

ap ko ye haq mohabbat mein diya

dil hai mera khub tora kijiye

main musafir hun mujhe chalna hi hai

ba adab chhale na phora kijiye