اپنی تو گزری ہے اکثر اپنی ہی من مانی میں

اپنی تو گزری ہے اکثر اپنی ہی من مانی میں

لیکن اچھے کام بھی ہم نے کر ڈالے نادانی میں

ہم ٹھہرے آوارہ پنچھی سیر گگن کی کرتے ہیں

جان کے ہم کو کیا کرنا ہے کون ہے کتنے پانی میں

روح کو اس کی راہ کا پتھر بننا ہی منظور نہ تھا

بازی ہم نے ہی جیتی ہے اپنی اس قربانی میں

یار نئی کچھ بات اگر ہو ہم بھی سجدہ کر لیں گے

اکثر ایک ہی بات سنی ہے سب سنتوں کی بانی میں

محنت کر کے ہم تو آخر بھوکے بھی سو جائیں گے

یا مولا تو برکت رکھنا بچوں کی گڑ دھانی میں

موقعے تو ہم تک بھی آئے خوب کما کھا لیتے ہم

لیکن ایک ضمیر تھا بھیتر اللہ کی نگرانی میں

apni to guzri hai aksar apni hi man mani mein

lekin achchhe kam bhi ham ne kar dale nadani mein

ham thahre awara panchhi sair gagan ki karte hain

jan ke ham ko kya karna hai kaun hai kitne pani mein

ruh ko us ki rah ka patthar banna hi manzur na tha

bazi ham ne hi jiti hai apni is qurbani mein

yar nai kuchh bat agar ho ham bhi sajda kar lenge

aksar ek hi bat suni hai sab santon ki bani mein

mehnat kar ke ham to akhir bhuke bhi so jaenge

ya maula to barkat rakhna bachchon ki gur dhani mein

mauqae to ham tak bhi ae khub kama kha lete ham

lekin ek zamir tha bhitar allah ki nigrani mein