ڈوب کر خون میں کس رنگ سے پیکاں نکلا

ڈوب کر خون میں کس رنگ سے پیکاں نکلا

دل ایذا طلب اب تو ترا ارماں نکلا

قابل دید ادا ہے ترے دیوانے کی

جیب و دامان قبا چاک گریباں نکلا

جادۂ راہ محبت کی درازی مت پوچھ

منزل شوق کا ہر ذرہ بیاباں نکلا

موت نے دی ظفرؔ اس کاہش پیہم سے نجات

درد سمجھے تھے جسے ہم وہی درماں نکلا

dub kar khun mein kis rang se paikan nikla

dil-e-iza talab ab to tira arman nikla

qabil-e-did ada hai tire diwane ki

jeb-o-daman-e-qaba chak-e-gareban nikla

jada-e-rah-e-mohabbat ki darazi mat puchh

manzil-e-shauq ka har zarra bayaban nikla

maut ne di zafar is kahish-e-paiham se najat

dard samjhe the jise ham wahi darman nikla