ستم دوست کا گلہ کیا ہے

ستم دوست کا گلہ کیا ہے

سنبھل اے دل تجھے کہا کیا ہے

نگہ ناز کو نہ دو تکلیف

دل میں اب یاس کے سوا کیا ہے

جس کو مرنے کی بھی امید نہ ہو

اس کی حسرت کو پوچھنا کیا ہے

یوں ہی انجام بن کے پھر پوچھو

مجھ سے تم میرا مدعا کیا ہے

سامنے ہے وہ جلوۂ رنگیں

یہ فریب نظر ہے یا کیا ہے

جی اٹھے اب بھی تم جو آ جاؤ

ورنہ بیمار میں رہا کیا ہے

sitam-e-dost ka gila kya hai

sambhal ai dil tujhe kaha kya hai

nigah-e-naz ko na do taklif

dil mein ab yas ke siwa kya hai

jis ko marne ki bhi umid na ho

us ki hasrat ko puchhna kya hai

yun hi anjam ban ke phir puchho

mujh se tum mera muddaa kya hai

samne hai wo jalwa-e-rangin

ye fareb-e-nazar hai ya kya hai

ji uthe ab bhi tum jo a jao

warna bimar mein raha kya hai