زخم کیوں دل پہ لگاتے ہو جو بھرنے کے نہیں

زخم کیوں دل پہ لگاتے ہو جو بھرنے کے نہیں

مٹ گئے نقش وفا کے تو ابھرنے کے نہیں

ہم کو اس اوج شرف تک ہے رسائی مشکل

آپ اس مسند نخوت سے اترنے کے نہیں

ایسا گلشن کی سیاست نے کیا ہے پابند

ہم اسیران قفس آہ بھی کرنے کے نہیں

بڑھ گئی کاکل ہستی کی پریشانی اور

جائیے آپ سے گیسو یہ سنورنے کے نہیں

کتنے سیلاب بلا جھیل چکے ہیں ہم لوگ

اب کسی شورش امواج سے ڈرنے کے نہیں

zakhm kyun dil pe lagate ho jo bharne ke nahin

mit gae naqsh-e-wafa ke to ubharne ke nahin

ham ko is auj-e-sharaf tak hai rasai mushkil

ap is masnad-e-nakhwat se utarne ke nahin

aisa gulshan ki siyasat ne kiya hai paband

ham asiran qafas ah bhi karne ke nahin

barh gai kakul-e-hasti ki pareshani aur

jaiye ap se gesu ye sanwarne ke nahin

kitne sailab-e-bala jhil chuke hain ham log

ab kisi shorish-e-amwaj se darne ke nahin