تابش چشم تر میں رہتے ہیں

تابش چشم تر میں رہتے ہیں

عکس دیوار و در میں رہتے ہیں

دفن ہو کر بھی جان سے پیارے

دل کے ویراں نگر میں رہتے ہیں

منزلوں سے نکل کے آگے ہم

یاد کی رہ گزر میں رہتے ہیں

کارواں کب ہمارے ساتھ رہا

ہم تو تنہا سفر میں رہتے ہیں

ان سے بار دگر نہیں نسبت

وہ جو بار دگر میں رہتے ہیں

کیوں مسیحا کا انتظار کریں

ہم دعا کے اثر میں رہتے ہیں

ٹوٹے تاروں کی روشنی کی طرح

کتنے چہرے نظر میں رہتے ہیں

چہرگی کے تمام تر چہرے

دست آئینہ گر میں رہتے ہیں

سب کمال و زوال کے پہلو

اپنی چشم ہنر میں رہتے ہیں

پوچھ کر طائروں سے اکثر ہم

اک گھنیرے شجر میں رہتے ہیں

عشق کے راز خوشبوؤں کے پیام

سب نسیم سحر میں رہتے ہیں

ظلمتوں کو اجالنے والے

نور فتح و ظفرؔ میں رہتے ہیں

tabish-e-chashm-e-tar mein rahte hain

aks-e-diwar-o-dar mein rahte hain

dafn ho kar bhi jan se pyare

dil ke wiran nagar mein rahte hain

manzilon se nikal ke age ham

yad ki rah guzar mein rahte hain

karwan kab hamare sath raha

ham to tanha safar mein rahte hain

un se bar-e-digar nahin nisbat

wo jo bar-e-digar mein rahte hain

kyun masiha ka intizar karen

ham dua ke asar mein rahte hain

tute taron ki raushni ki tarah

kitne chehre nazar mein rahte hain

chehragi ke tamam tar chehre

dast-e-aina gar main rahte hain

sab kamal-o-zawal ke pahlu

apni chashm-e-hunar mein rahte hain

puchh kar tairon se aksar ham

ik ghanire shajar mein rahte hain

ishq ke raz khushbuon ke payam

sab nasim-e-sahar mein rahte hain

zulmaton ko ujalne wale

nur-e-fath-o-zafar mein rahte hain