انداز زمانے کا ویسا ہی رہا پھر بھی

انداز زمانے کا ویسا ہی رہا پھر بھی

سو بار سنایا اور سو بار کہا صاحب

دنیا سے شکایت کیا اور تم سے گلہ کیسا

الزام ہی ملنا تھا انعام وفا صاحب

افتاد پہ انساں کی خاموش ہوئے انساں

ایسے میں تو یاد آیا بس اپنا خدا صاحب

حالات کی دھوپ اپنا یوں رنگ اڑا دے گی

مٹ جاتا ہے سب جیسے پانی پہ لکھا صاحب

اخلاق کی قدروں کی تحقیر ہوئی اتنی

اخلاص کا گھر اجڑا اور پھر نہ بسا صاحب

احباب کی مجلس ہو یا محفل تنہائی

یاد آتی ہے اب ان کی اک ایک ادا صاحب

andaz zamane ka waisa hi raha phir bhi

sau bar sunaya aur sau bar kaha sahab

duniya se shikayat kiya aur tum se gila kaisa

ilzam hi milna tha inam-e-wafa sahab

uftad pe insan ki khamosh hue insan

aise mein to yad aya bas apna khuda sahab

halat ki dhup apna yun rang ura degi

mit jata hai sab jaise pani pe likha sahab

akhlaq ki qadron ki tahqir hui itni

ikhlas ka ghar ujra aur phir na basa sahab

ahbab ki majlis ho ya mahfil-e-tanhai

yad ati hai ab un ki ik ek ada sahab