دعا ہماری کبھی با اثر نہیں ہوتی

دعا ہماری کبھی با اثر نہیں ہوتی

تمہاری ہم پہ کرم کی نظر نہیں ہوتی

میں کیا بتاؤں ترے غم میں کیا گزرتی ہے

وہ کون لمحہ ہے جب آنکھ تر نہیں ہوتی

علاج درد محبت جو ہو تو کیوں کر ہو

الٰہی کوئی دوا کارگر نہیں ہوتی

ترے خیال میں رہتا ہوں میں جو گم اے دوست

مجھے زمانے کی کچھ بھی خبر نہیں ہوتی

اجالا کیسے نظر آئے گا کہیں تم کو

شب فراق کی دانشؔ سحر نہیں ہوتی

dua hamari kabhi ba asar nahin hoti

tumhari ham pe karam ki nazar nahin hoti

main kya bataun tire gham mein kya guzarti hai

wo kaun lamha hai jab ankh tar nahin hoti

ilaj-e-dard-e-mohabbat jo ho to kyun kar ho

ilahi koi dawa kargar nahin hoti

tire khayal mein rahta hun main jo gum ai dost

mujhe zamane ki kuchh bhi khabar nahin hoti

ujala kaise nazar aega kahin tum ko

shab-e-firaq ki danish sahar nahin hoti