میں خود کو آزمانا چاہتا ہوں

میں خود کو آزمانا چاہتا ہوں

ہوا پر آشیانہ چاہتا ہوں

جو ہمت ہے تو میرے ساتھ آؤ

افق کے پار جانا چاہتا ہوں

جو منت کش نہیں ہیں بال و پر کے

پرندے وہ اڑانا چاہتا ہوں

نگوں کر دے جو طوفانوں کا سر بھی

چراغ ایسا جلانا چاہتا ہوں

سکوں بخشے جو ہر آشفتہ سر کو

نظر آ جائے جس میں عکس جاں بھی

وہ آئینہ بنانا چاہتا ہوں

سراسیمہ پشیماں دل گرفتہ

میں یہ موسم ہٹانا چاہتا ہوں

خیال و خواب جن میں حکمراں ہوں

وہی دنیا بسانا چاہتا ہوں

زیادہ مل گئی رونے سے راحت

ظفرؔ اب مسکرانا چاہتا ہوں

main khud ko azmana chahta hun

hawa par ashiyana chahta hun

jo himmat hai to mere sath ao

ufuq ke par jana chahta hun

jo minnat kash nahin hain bal-o-par ke

parinde wo urana chahta hun

nigun kar de jo tufanon ka sar bhi

charagh aisa jalana chahta hun

sukun bakhshe jo har ashufta sar ko

nazar a jae jis mein aks jan bhi

wo aina banana chahta hun

sarasima pasheman dil girafta

main ye mausam hatana chahta hun

khayal-o-khwab jin mein hukmaran hun

wahi duniya basana chahta hun

ziyada mil gai rone se rahat

zafar ab muskurana chahta hun