گماں کی حد سے گزر کر یقیں کی حد میں آئے

گماں کی حد سے گزر کر یقیں کی حد میں آئے

وہ آسمان اگر ہے زمیں کی حد میں آئے

مکیں تو رہتے ہیں ہر دم مکان کی حد میں

کبھی مکاں بھی تو اپنے مکیں کی حد میں آئے

تمام عمر اسے ڈھونڈھتی رہیں آنکھیں

وہ آ سکے تو دم واپسیں کی حد میں آئے

اسے ملے گا سراغ عدم سراغ وجود

جو ہاں کی حد سے نکل کر نہیں کی حد میں آئے

یہ کیسے سانپ ہیں جو دودھ جا بجا پی کر

پناہ لینے مری آستیں کی حد میں آئے

تمام لوگ ہوئے رزم و بزم کا حصہ

مگر ظفرؔ کسی گوشہ نشیں کی حد میں آئے

guman ki had se guzar kar yaqin ki had mein ae

wo asman agar hai zamin ki had mein ae

makin to rahte hain har dam makan ki had mein

kabhi makan bhi to apne makin ki had mein ae

tamam umr use dhundhti rahen ankhen

wo a sake to dam-e-wapasen ki had mein ae

use milega suragh-e-adam suragh-e-wajud

jo han ki had se nikal kar nahin ki had mein ae

ye kaise sanp hain jo dudh ja baja pi kar

panah lene miri astin ki had mein ae

tamam log hue razm-o-bazm ka hissa

magar zafar kisi gosha nashin ki had mein ae