نہ سوچیں اہل خرد مجھ کو آزمانے کو

نہ سوچیں اہل خرد مجھ کو آزمانے کو

میں جانتا ہوں بہت عقل کے فسانے کو

نہیں قفس سے نکلنے کی آرزو صیاد

دکھا دے ایک نظر میرے آشیانے کو

اسیر کر کے قفس میں مجھے یہ حیرت ہے

وہ کہہ رہے ہیں مجھی سے چمن بچانے کو

سلوک اہل چمن سے یہ باغباں نے کیا

قفس سمجھنے لگے ہیں سب آشیانے کو

بتاؤ تم کو یہ کیا ہو گیا ہے اہل چمن

جلا رہے ہو جو خود اپنے آشیانے کو

جفا و ظلم کے اس تند تیز طوفاں میں

وہ مجھ سے کہتے ہیں شمع وفا جلانے کو

گرا رہے ہیں مسلسل وہ بجلیاں دانشؔ

بتاؤ کیسے بچاؤ گے آشیانے کو

na sochen ahl-e-khirad mujh ko azmane ko

main janta hun bahut aql ke fasane ko

nahin qafas se nikalne ki arzu sayyad

dikha de ek nazar mere ashiyane ko

asir kar ke qafas mein mujhe ye hairat hai

wo kah rahe hain mujhi se chaman bachane ko

suluk ahl-e-chaman se ye baghban ne kiya

qafas samajhne lage hain sab ashiyane ko

batao tum ko ye kya ho gaya hai ahl-e-chaman

jala rahe ho jo khud apne ashiyane ko

jafa-o-zulm ke is tund tez tufan mein

wo mujh se kahte hain sham-e-wafa jalane ko

gira rahe hain musalsal wo bijliyan danish

batao kaise bachaoge ashiyane ko