حشر اک گزرا ہے ویرانے پہ گھر ہونے تک

حشر اک گزرا ہے ویرانے پہ گھر ہونے تک

جانے کیا بیتی ہے دانے پہ شجر ہونے تک

ہجر کی شب یہ مرے سوز دروں کا عالم

جل کے میں خاک نہ ہو جاؤں سحر ہونے تک

اہل دل رہتے ہیں تا زیست وفا کے پابند

شمع ہر رنگ میں جلتی ہے سحر ہونے تک

بے قراری کا یہ عالم ہے سر شام ہی جب

دیکھیں کیا ہوتا ہے اس دل کا سحر ہونے تک

دیکھیں گے حشر جفاؤں کا ہم ان کی دانشؔ

رہ گئے زندہ جو آہوں کے اثر ہونے تک

hashr ik guzra hai wirane pe ghar hone tak

jane kya biti hai dane pe shajar hone tak

hijr ki shab ye mire soz-e-darun ka alam

jal ke main khak na ho jaun sahar hone tak

ahl-e-dil rahte hain ta zist wafa ke paband

shama har rang mein jalti hai sahar hone tak

be qarari ka ye alam hai sar-e-sham hi jab

dekhen kya hota hai is dil ka sahar hone tak

dekhenge hashr jafaon ka ham un ki danish

rah gae zinda jo ahon ke asar hone tak