وہ آنکھ دے قریب کا سایہ دکھائی دے
Usha Bhadoriya (b. 1954)وہ آنکھ دے قریب کا سایہ دکھائی دے
آواز روشنی کی کہیں تو سنائی دے
جس نام کو جیا ہے بڑے اعتماد سے
اس کو بھی زندگی سے کبھی آشنائی دے
ایسا ہوا تو جینے نہ دیں گے کسی کو لوگ
انساں کے ہاتھ میں نہ مرے رب خدائی دے
میں جانتی ہوں پاؤں رکھے ہیں مرے کہاں
خود سے کروں سوال کوئی جب بڑائی دے
کب تک میں لمحہ لمحہ جیوں خود کو بھول کر
اس عمر قید سے مرے دل کو رہائی دے
پتھر سمجھ کے جس نے کیا دل کو بے اساس
اس کو بھی آنسوؤں کی نمی تک رسائی دے
ایسا نہ ہو کہ تھک کے یقیں چور چور ہو
اتنی طویل اب نہ دلوں کو جدائی دے
تاریکیوں کو رکھ کے کہیں کھنڈرات میں
جو لوگ پارسا ہیں انہیں پارسائی دے
اوشاؔ جو ہاتھ رکھتے نہیں مرے عکس پر
ان آئنوں کو کچھ تو غم خود نمائی دے
wo ankh de qarib ka saya dikhai de
awaz raushni ki kahin to sunai de
jis nam ko jiya hai bare etimad se
us ko bhi zindagi se kabhi ashnai de
aisa hua to jine na denge kisi ko log
insan ke hath mein na mire rab khudai de
main janti hun paon rakhe hain mire kahan
khud se karun sawal koi jab barai de
kab tak main lamha lamha jyun khud ko bhul kar
is umr qaid se mire dil ko rihai de
patthar samajh ke jis ne kiya dil ko be asas
us ko bhi ansuon ki nami tak rasai de
aisa na ho ke thak ke yaqin chur chur ho
itni tawil ab na dilon ko judai de
tarikiyon ko rakh ke kahin khandarat mein
jo log parsa hain unhen parsai de
usha jo hath rakhte nahin mire aks par
in ainon ko kuchh to gham-e-khud numai de