اکثر مری زمیں نے مرے امتحاں لئے

اکثر مری زمیں نے مرے امتحاں لئے

زندہ ہوں اپنے سر پہ کئی آسماں لئے

بے چارگی کبھی مجھے ثابت نہ کر سکی

کیا کیا مری حیات نے میرے بیاں لئے

اپنی صداقتوں سے بھی لگنے لگا ہے ڈر

چلنا ہے اس زمیں پہ سراب گماں لئے

اور میں کہ اپنی ذات سے نسبت نہیں مری

ہر شخص پھر رہا ہے مری داستاں لئے

مانگی نہیں ہے میں نے کسی آسماں سے دھوپ

زندہ ہوں اپنے ہاتھوں میں اپنا جہاں لئے

سارا قصور جیسے مری بے بسی کا تھا

الزام اپنے سر پہ کسی نے کہاں لئے

عنوان اضطراب کئے کتنے فاصلے

تم نے قدم قدم پہ مرے امتحاں لئے

پہنا انہیں تو میں بھی دھنک پوش ہو گئی

اپنا سمجھ کے میں نے تمہارے نشاں لئے

اوشاؔ تمام عمر کٹی انتظار میں

آیا نہ کوئی گھر میں دل مہرباں لئے

aksar miri zamin ne mire imtihan liye

zinda hun apne sar pe kai asman liye

be chargi kabhi mujhe sabit na kar saki

kya kya miri hayat ne mere bayan liye

apni sadaqaton se bhi lagne laga hai dar

chalna hai is zamin pe sarab-e-guman liye

aur main ke apni zat se nisbat nahin miri

har shakhs phir raha hai miri dastan liye

mangi nahin hai main ne kisi asman se dhup

zinda hun apne hathon mein apna jahan liye

sara qusur jaise miri be basi ka tha

ilzam apne sar pe kisi ne kahan liye

unwan-e-iztirab kiye kitne fasle

tum ne qadam qadam pe mire imtihan liye

pahna unhen to main bhi dhanak posh ho gai

apna samajh ke main ne tumhare nishan liye

usha tamam umr kati intizar mein

aya na koi ghar mein dil-e-mehrban liye