کسی کو وصل میں الفت کا ساگر مار دیتا ہے

کسی کو وصل میں الفت کا ساگر مار دیتا ہے

کسی کو ہجر میں یادوں کا لشکر مار دیتا ہے

بڑی مشکل سے غزلوں میں ستم اس کے سناتا ہوں

مگر پھر آپ لوگوں کا مکرر مار دیتا ہے

محبت کر تو لوں گا میں کسی سے بھی مگر یارو

کوئی محبوب ایسا ہے جو یکسر مار دیتا ہے

میں جب بھی بھیجتا ہوں خط پہنچتا ہی نہیں اس تک

نجانے کون رستے میں کبوتر مار دیتا ہے

میں اپنے وصل کی یادوں پہ جی لیتا مگر جاناں

مجھے ہر پل جدائی کا وہ منظر مار دیتا ہے

زمانے سے تو لڑ لیتے ہیں ہم تا عمر پر عالمؔ

مرے جیسوں کو اکثر یہ مقدر مار دیتا ہے

kisi ko wasl mein ulfat ka sagar mar deta hai

kisi ko hijr mein yadon ka lashkar mar deta hai

bari mushkil se ghazlon mein sitam us ke sunata hun

magar phir ap logon ka mukarrar mar deta hai

mohabbat kar to lunga mein kisi se bhi magar yaro

koi mahbub aisa hai jo yaksar mar deta hai

main jab bhi bhejta hun khat pahunchta hi nahin us tak

nijane kaun raste mein kabutar mar deta hai

main apne wasl ki yadon pe ji leta magar janan

mujhe har pal judai ka wo manzar mar deta hai

zamane se to lar lete hain ham ta umr par alam

mire jaison ko aksar ye muqaddar mar deta hai