محور پہ بھی گردش مری محور سے الگ ہو

محور پہ بھی گردش مری محور سے الگ ہو

اس بحر میں تیروں جو سمندر سے الگ ہو

اپنا بھی فلک ہو مگر افلاک سے ہٹ کے

ہو بوجھ بھی سر کا تو مرے سر سے الگ ہو

میں ایسا ستارہ ہوں تری کاہکشاں میں

موجود ہو منظر میں نہ منظر سے الگ ہو

دیوار نمائش کی خراشوں کا ہوں میں رنگ

ہر لمحہ وہ دھاگہ ہے جو چادر سے الگ ہو

اس آتش افسوں کو کوئی کیسے بجھائے

جس آگ میں گھر جلتا ہو وہ گھر سے الگ ہو

چھتری رکھوں اس ابر سیہ گام کی خاطر

کوفی بھی نہ ہو اور بہتر سے الگ ہو

رب اور تمنائے دوئی وہم بشر ہے

ہم زاد تو کیا عکس بھی داور سے الگ ہو

دامن میں وہ دنیا ہے جو دنیا سے جدا ہے

آئے وہ قیامت بھی جو محشر سے الگ ہو

پارے کی طرح شہر کا بکھراؤ ہے تفضیلؔ

ایسا کوئی بتلاؤ جو اندر سے الگ ہو

mehwar pe bhi gardish miri mehwar se alag ho

is bahr mein tairun jo samundar se alag ho

apna bhi falak ho magar aflak se hat ke

ho bojh bhi sar ka to mire sar se alag ho

main aisa sitara hun tiri kahkashan mein

maujud ho manzar mein na manzar se alag ho

diwar numaish ki kharashon ka hun main rang

har lamha wo dhaga hai jo chadar se alag ho

is atish afsun ko koi kaise bujhae

jis ag mein ghar jalta ho wo ghar se alag ho

chhatri rakhun is abr-e-siyah gam ki khatir

kufi bhi na ho aur behtar se alag ho

rab aur tamanna-e-dui wahm bashar hai

ham zad to kya aks bhi dawar se alag ho

daman mein wo duniya hai jo duniya se juda hai

ae wo qayamat bhi jo mahshar se alag ho

pare ki tarah shahr ka bakhrao hai tafzil

aisa koi batlao jo andar se alag ho