وہی بے لباس کیاریاں کہیں بیل بوٹوں کے بل نہیں

وہی بے لباس کیاریاں کہیں بیل بوٹوں کے بل نہیں

تجھے کیا بلاؤں میں باغ میں کسی پیڑ پر کوئی پھل نہیں

ہوئے خشک بحر تو کیا ہوا مری ناؤ زور ہوا پہ ہے

مرے بادباں ہیں بھرے ہوئے سو بلا سے ریت میں جل نہیں

ہے دباؤ عشرہ حواس پر ہیں تمام عضو کھنچے ربر

ہوں اتھل پتھل سے گھرا مگر مجھے اذن رد عمل نہیں

کسی بے غروب نگاہ سے کسی لا زوال شعاع میں

سبھی زاویوں سے الگ تھلگ مجھے حل کرو مرا حل نہیں

تری نیند سے بڑی آنکھ میں مجھے تابکار کرے کرن

مجھے ایسی دھات کا قلب دے جسے خوف رد و بدل نہیں

کہیں پانیوں میں بچھی نہ ہو کبھی ساحلوں سی کھلی نہ ہو

وہ زمیں دے میرے جہاز کو جہاں دوسرے کی پہل نہیں

سبھی سرد و گرم عبارتیں مرے خال و خد کا ہیں ظاہرا

جسے تخلیئے کی امیں کہوں وہ سنانے والی غزل نہیں

wahi be libas kiyariyan kahin bel buton ke bal nahin

tujhe kya balaon mein bagh mein kisi per par koi phal nahin

hue khushk bahr to kya hua miri nao zor hua pe hai

mire badban hain bhare hue so bala se ret mein jal nahin

hai dabao ashra hawas par hain tamam uzw khinche rabar

hun uthal pathal se ghira magar mujhe izn-e-rad-e-amal nahin

kisi be ghurub nigah se kisi la zawal shua mein

sabhi zawiyon se alag thalag mujhe hal karo mira hal nahin

tiri nind se bari ankh mein mujhe tabkar kare kiran

mujhe aisi dhat ka qalb de jise khauf-e-rad-o-badal nahin

kahin paniyon mein bichhi na ho kabhi sahilon si khuli na ho

wo zamin de mere jahaz ko jahan dusre ki pahal nahin

sabhi sard-o-garm ibaraten mire khal-o-khad ka hain zahiran

jise takhallie ki amin kahun wo sunane wali ghazal nahin