تنہا کر کے مجھ کو صلیب سوال پہ چھوڑ دیا

تنہا کر کے مجھ کو صلیب سوال پہ چھوڑ دیا

میں نے بھی دنیا کو اس کے حال پہ چھوڑ دیا

اک چنگاری اک جگنو اک آنسو اور اک پھول

جاتے ہوئے کیا کیا اس نے رومال پہ چھوڑ دیا

پارہ پارہ خوشبو چکراتی ہے کمرے میں

آگ جلا کے شیرہ اس نے ابال پہ چھوڑ دیا

پہلے اس نے برسائے آکاش پہ سارے تیر

پھر دھیرے سے گھوڑے کو پاتال پہ چھوڑ دیا

اٹھنے والا ہے بازار کہوں کیا یوسف سے

سکوں کا تھیلا میں نے ٹکسال پہ چھوڑ دیا

تعزیرات پہ دل محشر تن لرزہ چہرہ فق

رب نے چشم دو قطرہ سیال پہ چھوڑ دیا

پشمینے سا ماضی تھا تفضیلؔ سمور سا حال

مستقبل کو اونی ہوا کی تال پہ چھوڑ دیا

tanha kar ke mujh ko salib sawal pe chhor diya

main ne bhi duniya ko us ke hal pe chhor diya

ik chingari ik jugnu ik ansu aur ik phul

jate hue kya kya us ne rumal pe chhor diya

para para khushbu chakarati hai kamre mein

ag jala ke shira us ne ubal pe chhor diya

pahle us ne barsa-e-akash pe sare tir

phir dhire se ghore ko patal pe chhor diya

uthne wala hai bazar kahun kya yusuf se

sukun ka thaila main ne taksal pe chhor diya

taazirat pe dil mahshar tan larza chehra faq

rab ne chashm-e-do qatra sayyal pe chhor diya

pashmine sa mazi tha tafzil samor sa hal

mustaqbil ko uni hawa ki tal pe chhor diya