پہاڑوں کو بچھا دیتے کہیں کھائی نہیں ملتی

پہاڑوں کو بچھا دیتے کہیں کھائی نہیں ملتی

مگر اونچے قدم رکھنے کو اونچائی نہیں ملتی

اکیلا چھوڑتا کب ہے کسی کو لا شعور تن

کسی تنہائی میں بھرپور تنہائی نہیں ملتی

غنیمت ہے کہ ہم نے چشم حسرت پال رکھی ہے

زمانے کو یہ حسرت بھی مرے بھائی نہیں ملتی

فسون ریگ میں موجیں بھی ہیں دلدل بھی ہوتے ہیں

مگر صحرا سمندر تھے یہ سچائی نہیں ملتی

تری خالص کرن کی آگ ہے طیف تصور میں

قزح بنتی نہیں مجھ میں تو بینائی نہیں ملتی

نچوڑی جا چکی ہے مٹی اکہرا ہو گیا پانی

عناصر مل بھی جاتے ہیں تو رعنائی نہیں ملتی

اسے لاوا اگل کر بھی شکیبائی نہیں ملتی

paharon ko bichha dete kahin khai nahin milti

magar unche qadam rakhne ko unchai nahin milti

akela chhorta kab hai kisi ko la shuur-e-tan

kisi tanhai mein bharpur tanhai nahin milti

ghanimat hai ke ham ne chashm-e-hasrat pal rakhi hai

zamane ko ye hasrat bhi mire bhai nahin milti

fusun-e-reg mein maujen bhi hain daldal bhi hote hain

magar sahra samundar the ye sachchai nahin milti

tiri khalis kiran ki ag hai taif-e-tasawwur mein

quzah banti nahin mujh mein to binai nahin milti

nichori ja chuki hai mitti ikahra ho gaya pani

anasir mil bhi jate hain to raanai nahin milti

use lawa ugal kar bhi shakebai nahin milti