نہ وہ طائروں کا جمگھٹ نہ وہ شاخ آشیانہ
Danish Farahi (1949–2023)نہ وہ طائروں کا جمگھٹ نہ وہ شاخ آشیانہ
تم اسے خزاں کہو گے کہ بہار کا زمانہ
میں وفاؤں کا ہوں پیکر مرا جذب مخلصانہ
مجھے آزما لے ہمدم جو تو چاہے آزمانا
تو مجھے تباہ کر دے تو مرا نشاں مٹا دے
نہ کروں گا میں گوارا مگر اپنا سر جھکانا
جو اسے کوئی سنے گا تو بھلا یقیں کرے گا
یہ جناب شیخ ہمدم یہ در شراب خانہ
یہ عطائے عشق ہی ہے کہ بنا ہوں میں غزل خواں
نہ تھا اس کے پہلے دانشؔ مرا ذوق شاعرانہ
na wo tairon ka jamghat na wo shakh-e-ashiyana
tum use khizan kahoge ke bahar ka zamana
main wafaon ka hun paikar mira jazb-e-mukhlisana
mujhe azma le hamdam jo tu chahe azmana
tu mujhe tabah kar de to mira nishan mita de
na karunga mein gawara magar apna sar jhukana
jo use koi sunega to bhala yaqin karega
ye janab-e-shaikh hamdam ye dar-e-sharab-e-khana
ye ata-e-ishq hi hai ke bana hun main ghazal khwan
na tha is ke pahle danish mira zauq-e-shayarana