شہر کو چوٹ پہ رکھتی ہے گجر میں کوئی چیز

شہر کو چوٹ پہ رکھتی ہے گجر میں کوئی چیز

بلیاں ڈھونڈھتی رہتی ہیں کھنڈر میں کوئی چیز

چاک ہیں زخم کے پانی میں ہوا میں ناسور

مٹھیاں تول کے نکلی ہے سفر میں کوئی چیز

بارہا آنکھیں گھنی کرتا ہوں اس پہ پھر بھی

چھوٹ رہتی ہے نگہ سے گل تر میں کوئی چیز

کبھی بیٹھک سے رسوئی کبھی دالان سے چھت

باؤلی پھرتی ہے تجھ بن مرے گھر میں کوئی چیز

زندگی آگ پہ لیٹی ہوئی پرچھائیں ہے کیا

بس دھواں دیتی ہے ہر وقت جگر میں کوئی چیز

شہر ثانی میں شجرکاری نہ کی دانستہ

پھر نکل آئے کہیں برگ و ثمر میں کوئی چیز

حشر تک جیتی رہیں گی مری غزلیں تفضیلؔ

آکسیجن سی لبالب ہے ہنر میں کوئی چیز

shahr ko chot pe rakhti hai gajar mein koi chiz

billiyan dhundhti rahti hain khandar mein koi chiz

chak hain zakhm ke pani mein hawa mein nasur

mutthiyan tol ke nikli hai safar mein koi chiz

barha ankhen ghani karta hun us pe phir bhi

chhut rahti hai nigah se gul-e-tar mein koi chiz

kabhi baithak se rasoi kabhi dalan se chhat

baoli phirti hai tujh bin mire ghar mein koi chiz

zindagi ag pe leti hui parchhain hai kya

bas dhuan deti hai har waqt-e-jigar mein koi chiz

shahr-e-sani mein shajarkari na ki danista

phir nikal ae kahin barg-o-samar mein koi chiz

hashr tak jiti rahengi miri ghazlen tafzil

aksijan si labalab hai hunar mein koi chiz