ملا کسی سے نہ اچھا لگا سخن اس بار

ملا کسی سے نہ اچھا لگا سخن اس بار

بنا ہے لاشوں کے اعضا سے یہ بدن اس بار

سنا ہے تینوں رتیں ساتھ ساتھ آئیں گی

قمیص ڈال کے نکلوں کھلے بٹن اس بار

ہوا کی موت سے ڈولے نہ قتل آب سے ہم

تمام چیزوں پہ بھاری پڑی تھکن اس بار

بہت سے شہر بہت سی فضا بہت سے لوگ

مگر ہے سب میں کوئی بو کوئی سڑن اس بار

چھپاؤں روح کو کیوں تن سے تن کو کپڑوں سے

اتار کیوں نہ چلوں سارے پیرہن اس بار

خلا کی آگ تو تفضیلؔ نے بجھائی مگر

زمیں پہ وہ نہیں گرتا ہے کاربن اس بار

mila kisi se na achchha laga sukhan is bar

bana hai lashon ke aaza se ye badan is bar

suna hai tinon ruten sath sath aengi

qamis dal ke niklun khule batan is bar

hawa ki maut se dole na qatl ab se ham

tamam chizon pe bhari pari thakan is bar

bahut se shahr bahut si faza bahut se log

magar hai sab mein koi bu koi saran is bar

chhupaun ruh ko kyun tan se tan ko kapron se

utar kyun na chalun sare pairahan is bar

khala ki ag to tafzil ne bujhai magar

zamin pe wo nahin girta hai karban is bar