گھنے ارمان گاڑھی آرزو کرنے سے ملتا ہے

گھنے ارمان گاڑھی آرزو کرنے سے ملتا ہے

خدا جاڑے کی راتوں میں وضو کرنے سے ملتا ہے

ہوا کی دھن درختوں کا سخن نغمے ہیں لیکن فن

دلوں کے چاک میں آنکھیں رفو کرنے سے ملتا ہے

خدا ان کو شعور تشنگی دیتا تو اچھا تھا

انہیں پیاسوں میں کیا شغل سبو کرنے سے ملتا ہے

یقیں دنیا نہیں کرتی مگر ہے تجربہ میرا

سکوں تو بت کدے میں ہاؤ ہو کرنے سے ملتا ہے

بدلتے رنگ زخموں کے ہیں نیلے سرخ اور کالے

فلک کو بھی یہ گردش چار سو کرنے سے ملتا ہے

افق پر قمقموں میں قمقمے ضم ہوتے جاتے ہیں

مزہ آنکھوں کا آنکھیں روبرو کرنے سے ملتا ہے

ghane arman garhi arzu karne se milta hai

khuda jare ki raton mein wuzu karne se milta hai

hawa ki dhun darakhton ka sukhan naghme hain lekin fan

dilon ke chak mein ankhen rafu karne se milta hai

khuda un ko shuur-e-tishnagi deta to achchha tha

unhen pyason mein kya shaghl-e-subu karne se milta hai

yaqin duniya nahin karti magar hai tajriba mera

sukun to but kade mein hao ho karne se milta hai

badalte rang zakhmon ke hain nile surkh aur kale

falak ko bhi ye gardish char su karne se milta hai

ufuq par qumqumon mein qumqume zam hote jate hain

maza ankhon ka ankhen rubaru karne se milta hai