خاموش بھی رہ جائے اور اظہار بھی کر دے

خاموش بھی رہ جائے اور اظہار بھی کر دے

تصویر وہ حاذق ہے جو بیمار بھی کر دے

ہم سے تو نہ ہوگی کبھی اس طرح محبت

جو حد سے گزرنے پہ گنہ گار بھی کر دے

اس بار بھی تاویل شب و روز نئی ہے

ممکن ہے وہ قائل مجھے اس بار بھی کر دے

افلاک تلاشی میں ہوں اس برج کی خاطر

جو میرے خزانے کو فلک پار بھی کر دے

آہنگ تصور سے جو لرزش ہے رگوں میں

اس کو مرے خامے کا سروکار بھی کر دے

وہ بیت جو مسدود میں روزن کا سبب ہیں

ان کو گل آویزۂ دیوار بھی کر دے

قرطاس پہ تفضیلؔ رواں جوئے کلی رنگ

شاید مرے لفظوں کو مزے دار بھی کر دے

khamosh bhi rah jae aur izhar bhi kar de

taswir wo haziq hai jo bimar bhi kar de

ham se to na hogi kabhi is tarah mohabbat

jo had se guzarne pe gunah gar bhi kar de

is bar bhi tawil shab-o-roz nai hai

mumkin hai wo qail mujhe is bar bhi kar de

aflak talashi mein hun is burj ki khatir

jo mere khazane ko falak par bhi kar de

ahang-e-tasawwur se jo larzish hai ragon mein

us ko mire khame ka sarokar bhi kar de

wo bit jo masdud mein rauzan ka sabab hain

un ko gul aweza-e-diwar bhi kar de

qirtas pe tafzil-e-rawan ju-e-kali rang

shayad mire lafzon ko maze dar bhi kar de