کشتیوں کے کھلکھلاتے بادبانوں کی طرح

کشتیوں کے کھلکھلاتے بادبانوں کی طرح

رات بھر اگتے ہیں چہرے گم خزانوں کی طرح

ہو نہ ہر پھر سیر گل کو جا رہی ہے فاختہ

پھر ہوا چلنے لگی ہے نوجوانوں کی طرح

بارہا جو مجھ سے ٹکراتی ہے میری گونج ہے

میں بھی خوش آباد ہوں خالی مکانوں کی طرح

جمع ہے کوزے سا مجھ میں عمر بھر کا شور و غل

لگ رہے ہیں ذہن و دل نقار خانوں کی طرح

مجھ کو سیپی سا ڈھکے رہتا ہے مٹی پر فلک

حشر میں نکلوں کہیں موتی کے دانوں کی طرح

زعفران فن بنے گا ورثۂ اردو مرا

میں نے بھی الفاظ بوئے ہیں کسانوں کی طرح

kashtiyon ke khulkhilate badbanon ki tarah

rat bhar ugte hain chehre gum khazanon ki tarah

ho na har phir sair-e-gul ko ja rahi hai fakhta

phir hua chalne lagi hai naujawanon ki tarah

barha jo mujh se takrati hai meri gunj hai

main bhi khush abad hun khali makanon ki tarah

jama hai kuze sa mujh mein umr bhar ka shor-o-ghul

lag rahe hain zehn-o-dil naqqar khanon ki tarah

mujh ko sipi sa dhake rahta hai mitti par falak

hashr mein niklun kahin moti ke danon ki tarah

zaafran-e-fan banega wirsa-e-urdu mira

main ne bhi alfaz boe hain kisanon ki tarah