لہروں میں بھنور نکلیں گے محور نہ ملے گا

لہروں میں بھنور نکلیں گے محور نہ ملے گا

ہر موج میں پانی بھی برابر نہ ملے گا

گر جاتی ہے روز ایک پرت راکھ بدن سے

جلنے کا سماں پھر بھی کہیں پر نہ ملے گا

چشمک بھی جو رکھنی ہے تو چوتھائی زمیں سے

شوریدہ زباں کیسے سمندر نہ ملے گا

ہر سمت دماغوں کے ترنگوں کا ہے شب خوں

تکنیک کی اس جنگ میں لشکر نہ ملے گا

رستے ہی میں جل بجھتی ہے مہتابئ انجم

ثابت کو تو سیار کا زیور نہ ملے گا

کرتے ہیں حفاظت سبھی دیوار انا کی

رخنے کے برابر بھی کہیں در نہ ملے گا

کوزہ گر قاموس کہاں زیبؔ سا تفضیلؔ

سمٹا ہوا کاغذ پہ سمندر نہ ملے گا

lahron mein bhanwar niklenge mehwar na milega

har mauj mein pani bhi barabar na milega

gir jati hai roz ek parat rakh badan se

jalne ka saman phir bhi kahin par na milega

chashmak bhi jo rakhni hai to chauthai zamin se

shorida zaban kaise samundar na milega

har samt dimaghon ke tarangon ka hai shab khun

taknik ki is jang mein lashkar na milega

raste hi mein jal bujhti hai mahtabi-e-anjum

sabit ko to sayyar ka zewar na milega

karte hain hifazat sabhi diwar-e-ana ki

rakhne ke barabar bhi kahin dar na milega

kuza gar qamus kahan zeb sa tafzil

simta hua kaghaz pe samundar na milega