عشق میں زیست کے آثار کہاں

عشق میں زیست کے آثار کہاں

دشت میں سایۂ دیوار کہاں

منزل بے خودیٔ عشق نہ پوچھ

آگہی واقف اسرار کہاں

اپنی ہستی پہ نظر اے توبہ

مستیٔ عشق میں پندار کہاں

کس سے پوچھوں وہ نظر کب اٹھی

میکدے میں کوئی ہشیار کہاں

عشق سے روح حباب ابدی

عقل ہے محرم اسرار کہاں

جام میں عشق مجازی میرے

مستیٔ بادۂ عطار کہاں

ishq mein zist ke asar kahan

dasht mein saya-e-diwar kahan

manzil-e-be khudi-e-ishq na puchh

agahi waqif-e-asrar kahan

apni hasti pe nazar ai tauba

masti-e-ishq mein pindar kahan

kis se puchhun wo nazar kab uthi

maikade mein koi hushyar kahan

ishq se ruh habab-e-abadi

aql hai mahram-e-asrar kahan

jam mein ishq-e-majazi mere

masti-e-bada-e-attar kahan