اب نہ وہ سر ہے نہ سودا ہے نہ سودائی ہے

اب نہ وہ سر ہے نہ سودا ہے نہ سودائی ہے

حسن خود اپنے ہی جلووں کا تماشائی ہے

رات اندھیری ہے بیاباں بھی ہے تنہائی ہے

حسرت دید خدا جانے کہاں لائی ہے

جلوۂ حسن بتاں بوئے گل و نغمہ سا

اتنے پردوں میں بھی اس شوخ کی رسوائی ہے

یا وہ دن تھے کہ ترا قرب تھا حاصل مجھ کو

یا بس اب یاد تری مونس تنہائی ہے

المدد ذوق فنا المدد اے جذبۂ عشق

میری فطرت مجھے پھر ہوش میں لے آئی ہے

جانے تو ہے کہ تری یاد مگر دل میں مرے

تجھ سے ملتی ہوئی اک شکل نظر آئی ہے

سیکڑوں بار مجھے آئنۂ ہستی میں

اپنی صورت تری صورت میں نظر آئی ہے

دیکھ لے بے پر و بالی پہ بھی پرواز مری

اتنا کہہ دے کہ گلستاں میں بہار آئی ہے

تب میں سمجھوں کہ ہوئی جوش جنوں کی تکمیل

خود وہ کہنے لگیں وحشیؔ مرا سودائی ہے

ab na wo sar hai na sauda hai na saudai hai

husn-e-khud apne hi jalwon ka tamashai hai

rat andheri hai bayaban bhi hai tanhai hai

hasrat-e-did khuda jane kahan lai hai

jalwa-e-husn-e-butan bu-e-gul-o-naghma sa

itne pardon mein bhi us shokh ki ruswai hai

ya wo din the ke tira qurb tha hasil mujh ko

ya bas ab yad tiri munis-e-tanhai hai

almadad zauq-e-fana almadad ai jazba-e-ishq

meri fitrat mujhe phir hosh mein le ai hai

jane to hai ke tiri yad magar dil mein mire

tujh se milti hui ik shakl-e-nazar ai hai

saikron bar mujhe aina-e-hasti mein

apni surat tiri surat mein nazar ai hai

dekh le be par-o-bali pe bhi parwaz miri

itna kah de ke gulistan mein bahar ai hai

tab main samjhun ke hui josh-e-junun ki takmil

khud wo kahne lagen wahshi mira saudai hai